Heimabökuð pizza – pizzadeig

IMG_4205.JPG

Það er gaman að baka pizzu og móta hana að vild með öllu því sem manni þykir gott. Ef menn nenna ekki eða hafa ekki tíma til að gera deigið sjálfir er hægt að kaupa ágætis tilbúin deig í flestum búðum en svo er auðvitað hægt að taka þett frá a til ö.

Uppskriftin dugar í tvær stórar pizzur.

Hitið 3 dl af vatni/mjólk ( fljótlegast að gera í örbylgjunni – ekki segja neinum) þannig að það verði vel volgt. Bætið út í rúmlega hálfu bréfi af þurrgeri, matskeið af hunangi eða agave-sírópi, klípu af sjávarsalti og skvettu af olíu, hrærið vel saman. Auðvitað er líka hægt – og betra – að nota pressuger. Hvort gerið sem er notað er mikilvægt að leysa það vel upp í vökvanum. Látið standa í nokkrar mínútur.

Setjið 6-7 dl af hveiti í skál. Gott er að nota venjulegt hveiti og fínmalað spelt nokkurn veginn til helminga. Eða Farro-hveiti ef þið viljið virkilega ítalska stemmningu.

Blandið gerblöndunni saman við hveitið og látið deigið lyfta sér í a.m.k. rúman hálftíma á volgum stað.

Setjið smá hveiti saman við deigið og hnoðið það vel. Það á verða teygjanlegt og auðvelt meðferðar, þannig að maður geti nánast togað það og teygt að vild. Fletjið út. Mótið deigið á plötuna sem þið ætlið að nota. Það er tilvalið að nota pizzuskera ef þarf að skera deigið til – til dæmis til að gera það hringlaga.

Raðið álegginu á pizzuna.

Setjið neðarlega inn í  heitan ofninn, á hæsta mögulega hitastig, um 250 gráður eða- sem er miklu betra – á grillið þar sem þið náið 300-400 gráða hita.

Til að ná stökkri og fínni pizzu er best að nota svokallaðan pizzastein. Þá er hægt að fá (t.d. Weber Pizza Stone) í grilldeildum margra verslana. Það er best að nota hann á grilli og hita þá vel upp áður en platan með pizzunni er sett á steininn. Steinninn gefur frábæran undirhita auk þess sem meiri hiti næst á góðu grilli en í ofni. Það er hins vegar einnig hægt að nota pizzastein í ofni. Hann þarf hins vegar að hitna vel inni í ofninum áður en bökunarplatan með pizzunni er sett ofan á hann.

Bakið þar til pizzan er orðin stökk og osturinn hefur bráðnað.

Hér eru pizzurnar okkar. Stöðugt bætist í safnið.

PIzza með beikoni, fetaosti og klettasalati

Pizza Kalifornía

Pizza Helgu

Ítölsk sumarpizza

Pizza með gráðaosti, rósmarín og sultuðum lauk

Pizza Chorizo

Humarpizza

Pizza með nautahakki og þremur ostum

Pizza með pepperoni og piparosti

Pizza með kjúkling, kryddjurtum og sólþurrkuðum tómötum

Hvítlaukspizza

Pizza með BBQ-kjúklingi

Pizza með Prosciotto og eggi

Pizza með humar og bökuðum hvítlauk

Pizza með feta, spínati, beikoni og pestó úr sólþurrkuðum tómötum

Taco Pizza

Pizza með ítölskum pylsum

Pizza með Prosciutto og Portobello

Pizza með Chorizo og sólþurrkuðum tómötum

Pizza með Prosciutto og geitaosti

Pizza með kjúklingi fetaosti og beikoni

Pizza með fíkjum og sultuðum lauk

Pizza með hakki og kirsuberjatómötum

Grísk pizza

Pesto pizza

Pizza með risarækjum og klettasalati

Pizza með beikoni, papriku og rjómaosti

Pizza að hætti Napolí-búa

Pizza með valhnetum og fetaosti

 

 

 

 

 

 

 

 

 

 

 

 

 

 

 

 

 

 

pin it button Heimabökuð pizza   pizzadeig

Tögg: , ,