Tenuta Sant Antonio Monti Garbi Ripasso 2009

IMG_1806

Monti Garbi er vín frá Castagnedi-bræðrunum í Valpolicella á Norður-Ítalíu. Það er flokkað sem Valpolicella Classico Superiore og er þar að auki Ripasso-vín. Superiore-vínin eru geymd á viðarámum í ár hið minnsta. Ripasso er það hins vegar kallað þegar að þrúgumassanum, sem verður eftir við framleiðslu á Amarone-vínum, er blandað saman við Valpolicella-vín og gerjunin látin fara í gang á nýjan leik.

Þetta er töluvert mikið vín, margslungin angan af sveskjum, plómusultu, kirsuberjum, kanilstöng og tóbakslauf. Í munni er vínið massað og stíft, það hefur góð tannín, kryddaðan keim og ferska sýru. Virkilega flott matarvín, reynið með t.d. risotto, osso buco eða grilluðu T-Bone.

2.999 krónur. Mjög góð kaup.

pin it button Tenuta Sant Antonio Monti Garbi Ripasso 2009

Tögg: