Cole Slaw er amerískt kálsalat sem nýtur mikilla vinsælda vestanhafs og er fyrirmyndin af því sem á íslensku hefur stundum verið kallað hrásalat. Við erum með uppskriftir að klassísku Cole Slaw hér. Í þessari uppskrift setjum við hins vegar smá asískt „twist“ á þetta klassíska salat.
Við byrjum á því að útbúa kálblönduna en í hana þarf:
- 1/2 lítill hvítkálshaus
- 1/2 lítill rauðkálshaus
- 4 gulrætur
Saxið varlega niður í matvinnsluvél.
Þá er komið að því að útbúa salatsósuna en í hana þarf:
- 3 msk majonnes eða sýrður rjómi
- 2 msk gott hvítvínsedik
- 1 msk sesamolía
- 1 msk rifinn engifer
- 2 tsk Wasabi
- 1 lúka fínsaxað ferskt kóríander
- salt og pipar
Blandið öllu saman í skál. Blandið kálblöndunni saman við. Geymið í ísskáp í um tvær klukkustundir. Rétt áður en salatið er borið fram er um 2 dl af jarðhnetum blandað saman við.
Fleiri góð salöt má sjá með því að smella hér.