Brown-Lamartine er “þriðja” vínið frá Chateau Cantenac-Brown, sem einnig framleiðir Brio. Það kemur af fimm hektara skika af Cantenac ekrunni sem fellur ekki undir svæðið Margaux heldur “appelation Bordeaux”.
Vínið er framleitt í sömu víngerð og af sama teymi og Grand Cru-vínið og Brio, og gefur nasasjón af því hvað stærri vínin bjóða upp á.
2010 árgangurinn var verulega góður í Bordeaux, vínið er með dökkan djúpan lit, það er fókuserað, í nefi sedrusviður, tóbak, lakkrís, svartur ávöxtur, sólber. Öflug, nokkuð mjúk tannín, eikin situr eftir í lokin, Vín fyrir betri steikur og önd.
2.998 krónur. Frábær kaup.